Policia e Shkodrës ka mundur të arrestojë ditën e sotme një 32-vjeçar, i cili ishte shpallur në kërkim për kultivim të bimëve narkotike.
Në 20 dhjetor të 2020, Gjykata e Shkallës së Parë Shkodër, kishte caktuat për personin në fjalë masën e sigurimit personal në mungesë “Arrest në burg” për veprën penale “Kultivimi i bimëve narkotike”. Sipas uniformave blu është prangosur L. N., 32 vjeç, banues në lagjen “Partizani”, i cili gjatë gjithë këtij viti fshihej në banesa të braktisura pranë lagjes së tij.
Policia njofton se, materialet iu referuan Prokurorisë pranë Gjykatës së Shkallës së Parë Shkodër, për veprime të mëtejshme. Ndërsa po bëhen kërkim për të vënë para përgjegjësisë personat të cilët janë ndihmuar të dënuarin të fshihej dhe e furnizonte gjatë gjithë kohës me ushqime dhe veshje.
Discussion about this post