Në kontejnerin me banane mungojnë 50 arka, detajet e reja

Të tjera detaje dalin në dritë në lidhje arrestimet në portin e Durrësit, ku dyshohet se përmes një kontejneri ka hyrë sërish kokainë në vendin tonë.

Mësohet se në kontejner mungonin 49 arka me banane, të cilat thuhet se janë marrë para se mjeti të kalonte për skanim. Ndërkohë, punonjësit e arrestuar, pretendojnë se kontejneri ka ardhur i hapur.

Pas verifikimeve të para, 20 persona janë arrestuar, 18 prej tyre punonjës së sigurisë në port si dhe shoferi dhe një punonjës i kompanisë që priste ngarkesën me banane.

Të arrestuarit janë Jurgen Gjeçi, Armand Murataj, Gentian Halili, Azgan Zeka, Skender Plaku, Adi Qevanaj, Kastriot Duçka, Mentor Dyrmishi, Klaudio Lala, Shpëtim Hajdin, Andra Xhevara, Adem Brasha, Veiz Kuçi, Rajd Bleta, Ali Bajrami, Gjergj Doraci, Shefqet Elezi, Profit Tola, Altin Mahmutaj, Nazmi Allgjata.

Mësohet se kontejneri ka qenë në monitorim prej disa ditësh nga autoritet pasi dyshimeve se në të mund të kishte lënë narkotike. Pritej që ai të kalonte në skanerin e doganës për të provuar dyshimet e policisë dhe doganës. Por autorët kanë qenë më të shpejtë se autoritet duke larguar nga aty arkat të cilat kanë pasur drogën.

Ndihmë e madhe për hetuesit pritet të jenë kamerat e sigurisë duke qenë se sheshi i kontejnerëve dhe hyrje-daljet e portit janë të monitoruara nga kamerat.