Kanë kaluar 9 ditë nga ultimatumi i kryeministrit Edi Rama për kupolën drejtuese të policisë për zbardhjen e misterit të zhdukes së Ervis Martinajt.
Këtë fakt e kujtoi gazetari i njohur Eni Ferhati. Kujtojmë se sot paradite kreu i qeverisë në një komunikim që zhvilloi me qytetarët dhe gazetarët, iu përgjigj pyetjes së gazetarit se duhet të kemi durim pasi shumë shpejt do kemi dhe një përgjigje.Sipas gazetarit do të duhet kohë për të pasur një provë konkrete që do të vërtetojë çfarë ndodhi me të shumëkërkuarin.
“Në përgjigjen e tij zoti Rama la të kuptohet se do të ketë një përgjigje zyrtare shumë shpejt, ndonëse autoritetet e kanë një përgjigje edhe aktualisht,” u shpreh Ferhati.
Ai tha se duhet pritur derisa të ketë prova konkrete që mbështesin këtë përgjigje që nën zë thuhet në korridoret e policisë apo në organet ligjzbatuese.
Gazetari pohoi se policia po heton dy pista: atë të rrëmbimit me qëllim eliminimin fizik dhe atë të inskenimit dhe largimit të Martinajt nga Shqipëria me dokumente false.
Discussion about this post