Megi Pojani është një ndër vajzat më të komentuara në showbizin shqiptar. Aktorja mund të jetë tepër aktive në rrjetet sociale dhe mund të dimë shumë për jetën profesionale, por nuk mund të themi të njëjtën gjë për atë private.
Ajo është komentuar vazhdimisht kohëve të fundit që pas thashethemeve se ndodhet në një romancë me futbollistin e njohur te kombëtares, Endri Çekiçi.
Së fundmi aktorja i ka bërë lëmsh të gjithë ndjekësit e saj me postimet e fundit në Instagram. Ajo ka publikuar një foto ku ndodhet brenda në makinë dhe shkruan “ Për pak humba fluturimin sepse po ‘kapja’ ndjenjat”. Dhe me këtë deklaratë, Pojani i bëri të gjithë të mendojnë se në një farë mënyre konfirmoi romancën e saj të shumë përfolur me futbollistin.
Mirëpo pas këtij postimi, i menjëhershëm ka qenë dhe “sqarimi” i deklaratës së mëparshme. Megi duket se vendosi pikat mbi ‘i’ teksa u shpreh se publiku nuk do të shikojë asnjëherë një ‘Megi të dobët’.
“Besoj se e kuptuat që është një lojë fjalësh me ‘kap fluturimet jo ndjenjat’. Megi Pojani nuk do të jetë kurrë vulnerabël në këtë profil’.
Kështu ajo la të kuptohet se nga ana e saj nuk do të ketë asnjëherë një konfirmim të një romance.
Megi është përpjekur gjithmonë ta ruajë në mënyrë hermetike jetën e saj sentimentale duke mos e bërë aspak publik personin që mund të ketë në krahë. Dhe pse disa herë e ka përmendur nëpër intervista që është në një marrëdhënie, Megi nuk ka dhënë më shumë detaje dhe dëshiron që publikut të mos e shikojë këtë pjesë të jetës së saj.
Disa javë më parë ajo fluturoi drejt ishujve të Afrikës Lindore duke kaluar disa ditë relaksi dhe dukej se nuk ishte vetëm. Në postimet e fundit në Instagramin e saj bukuroshja shihet se kishte kaluar një darkë mjaft të këndshme.
Mirëpo ajo çka ra më së shumti në sy ishin dhe postimet e futbollistit të njohur të kombëtares, Endri Çekiçi. Në fotot e publikuara duket qartë që dyshja ndodheshin së bashku pasi ambienti dhe tavolina në imazhet e tyre ishin identike.
Discussion about this post