Gjermania këtë periudhë duket se po shkon drejt vaksinimit të detyrueshëm, i cili po mbështetet nga grupet më të mëdha parlamentare në parlamentin federal Bundestag.
Zyrtarisht çështjet kryesore në diskutim janë vaksinim i detyrueshëm për individët mbi 18 vjeç, vaksinim i detyrueshëm për mbi 50 vjeçarët, një bisedë këshilluese me mjekun, për vaksinimin dhe heqja dorë nga detyrimi për vaksinim.
Socialdemokratët dhe Të Gjelbrit, e mbështesin idenë e imunizimit të detyruar, çka shton gjasat për për miratimin e projektligjit për vaksinimin me detyrim.
Nga ana tjetër, në Gjermani ka dakordim se parakushtet më të mira të mundshme, për përballimin e pandemisë krijohen kur popullata është e vaksinuar disa herë. Edhe nëse nuk është absolute mbrojtja me vaksinat.
Më tej, autoritetet bëjnë me dije se vaksinimi në Gjermani nuk po ecën aq shpejt, sa të mbrojë popullatën nga një valë e re pandemie në vjeshtë dhe nga variante të reja të koronavirusit. Shifra e vaksinimeve këtu është më e ulët se ajo në disa shtete evropiane, pasi rezulton se tre million vetë nuk kanë marrë asnjë nga vaksinat kundër koronavirusit.
Gjermania ka popullatën e dytë në Evropë për sa i përket plakjes dhe kulmi i numrit të infektimeve me variantin Omikron pritet të arrihet në mes të muajit shkurt.
Discussion about this post