Prokuroria e Tiranës kërkon sekuestrimin e pasurive të Fatjon Muratit. Organi i akuzës ka kërkuar po ashtu që të sekuestrohen edhe pasuritë që janë në emër të familjarëve të Muratit, për shkak të dyshimit se pasuritë e Muratit janë vendosur në forma kriminale. Kujtojmë se lokali i Muratit ishte nën shënjestër mbrëmë, një shtetase u vra dhe disa të tjerë janë plagosur.
Masakra ndodhi një natë më parë në Don Bosko. Persona të paidentifikuar qëlluan me breshëri plumbash në drejtim të lokalit të Fatjon Muratit duke lënë të vdekur banakieren Mimoza Paja, 60 vjeçe dhe pesë të tjerë të plagosur, mes tyre dhe një vajzë 10-vjeçare që u dëmtua nga xhamat e thyer.
Të plagosurit e tjerë janë Sahit Murati (xhaxhai i Fatjon Muratit), Astrit Meraj, Emanuel Sala, Ermir Bejuku, Genc Shohalli, të gjithë jashtë rrezikut për jetën.
Fatjon Murati vetë ndodhej jashtë Shqipërisë në momentin që u krye atentati. Ai është i njohur në botën e krimit dhe si miku i ngushtë i Endrit Dokles, madje është marrë në pyetje për masakrën e Fushë Krujës, ku mbeti i vrarë Brilant Martinaj me dy miqtë e tij.
Discussion about this post