Prej katër ditësh Ukraina është e pushtuar nga Rusia dhe lufta e ashpër që po merr jetë njerëzish akoma vazhdon. Me të gjitha forcat dhe strategjitë e saj Ukraina është duke tentuar në çdo mënyrë ta ndalë agresionin rus, i cili po vazhdon tash e sa ditë. Pjesë e këtyre tentimeve është edhe ideja e fundit, që Ukraina ta padisë Rusinë në Hagë.
Presidenti ukrainas, Volodymyr Zelensky, thotë se vendi i tij ka paraqitur një ankesë kundër Rusisë në Gjykatën Ndërkombëtare të Drejtësisë dhe po kërkon nga paneli i saj i gjyqtarëve që të urdhërojë ndalimin e pushtimit nga ana e Moskës.
GJND-ja, e cila ka selinë në Hagë, është gjykata më e lartë e OKB-së dhe vendos nëse një shtet ka shkelur apo jo ligjin ndërkombëtar. Gjykata nuk mund të ngrejë kallëzime penale kundër krerëve individualë të shteti.
Discussion about this post