Isco po kalon periudhën më të vështirë te Real Madrid që kur mbërriti aty në verën e vitit 2013.
Kontrata e tij skadon në qershor të vitit 2022 dhe supozohet se klubi bardhezi nuk ka ndërmend ta rinovojë atë. Futbollisti, pavarësisht se është në merkato për një kohë të gjatë, nuk ka në tavolinë oferta që e kënaqin atë për ndryshim skene.
Situata nuk është aspak e re për Isco-n, që kur Julen Lopetegui, ndoshta trajneri më i rëndësishëm i karrierës së tij, u shkarkua disa muaj pasi mori stolin e Madridit. Nga largimi i tij në vitin 2018, Isco nuk ka qenë në llogaritë e asnjë trajneri.
Këtë sezon ai ka luajtur vetëm 170 minuta dhe ka filluar dy herë si titullar. Gjendjen e bëri edhe më të vështirë infektimi me Covid-19, për shkak të të cilit Isco humbi dy ndeshje në La Liga.
Discussion about this post