Në majë të botës – Palmer, Dembele dhe triumfi i Kupës së Botës për Klube në New York City
Chelsea dhe Paris Saint-Germain përgatiten për finalen e Kupës së Botës për Klube FIFA, ndërsa dy nga yjet e shquar të këtij kompeticioni, Cole Palmer dhe Ousmane Dembele , pozuan për një fotosesion marramendës lart mbi New York City.
Me Central Park që shtrihet pas tyre dhe trofeun e Kupës së Botës për Klube midis tyre, skena është gati fjalë për fjalë për ndeshjen më të madhe të sezonit të tyre.
Spektakli i futbollit botëror kulmon të shtunën më 13 korrik në MetLife Stadium të New Jerseyt, ku do të zhvillohet finalja e shumëpritur e Kupës së Botës për Klube mes Chelseat dhe Paris Saint-Germain.
Dy gjigantët e futbollit evropian, të përforcuar me yje dhe ambicie të mëdha, do të kërkojnë të shkruajnë historinë në këtë edicion të veçantë të turneut që për herë të parë zhvillohet me formatin e ri.
Chelsea, pas një sezoni të ringritjes, ka treguar stabilitet dhe pjekuri në rrugëtimin drejt finales, duke eliminuar kundërshtarë të fortë dhe duke dëshmuar se rikthimi në elitë nuk është rastësi.
Levi Colwill ka shprehur entuziazmin e tij për finalen e ardhshme të Kupës së Botës për Klube, ku Chelsea do të përballet me PSG-në më 13 korrik 2025.
Mbrojtësi i talentuar i londinezëve u shpreh se ekipi nuk ka ardhur në këtë turne vetëm për të qenë pjesëmarrës, por për ta fituar atë.
Ndërsa Cole Palmer, ka ndarë mendimet e tij nga “Top of the Rock” në Rockefeller Center, përpara finales së FIFA Club World Cup ndaj PSG, që zhvillohet të dielën, më 13 korrik 2025.
“Nuk e dinim çfarë të prisnim kur erdhëm këtu. Shpresojmë ta realizojmë,” tha Palmer, duke shfaqur besim në suksesin e skuadrës së tij.
Trajneri i Chelsea-t, Maresca, shpreh besimin e plotë te ekipi i tij para finales së Kupës së Botës për Klube, duke theksuar përparimin e madh që skuadra ka bërë gjatë sezonit dhe respektin e madh për rivalin e tyre, PSG-në.
Ai thekson se lojtarët e tij kanë treguar stil dhe vendosmëri, ndërsa premton një ndeshje të fortë dhe të barabartë ndaj një skuadre të jashtëzakonshme.
“Ekipi ynë meriton gjithë besimin e tifozëve, sepse këtë sezon përfunduam në katër vendet e para të LigësPremier, fituam Ligën e Konferencës dhe jemi në finalen e Kupës së Botës për Klube. Një vit më parë, askush nuk fliste për Chelsean në aspektin e futbollit, vetëm për madhësinë e skuadrës dhe paratë e shpenzuara. Tani, askush nuk flet më për të gjitha këto, e vetmja gjë për të cilën flasin është loja, mënyra se si fitojmë dhe kjo është arritja ime më e madhe”.
“PSG dhe Luis Enrique janë modele për të gjithë dashamirësit e futbollit. Ne kemi respektin më të madh për atë që ata kanë treguar në Francë, në Evropë dhe gjatë kësaj Kupe Bote. Më pëlqen t’i shikoj duke luajtur. Është një ekip i jashtëzakonshëm. Nuk do të jetë e lehtë, por do të japim gjithçka dhe do të përpiqemi të fitojmë. Ne kemi stilin tonë dhe kemi treguar këtë sezon se si i bëjmë gjërat”, deklaroi Maresca.
Nga ana tjetër, PSG ka qenë bindës në çdo paraqitje, me një repart ofensiv që ka bërë diferencën dhe me synimin për të fituar trofeun e parë të rëndësishëm ndërkombëtar nën udhëheqjen e trajnerit të ri.
Trajneri i Paris Saint-Germain, Luis Enrique, ka paralajmëruar se Chelsea do të jetë një kundërshtar i vështirë në finalen e Kupës së Botës për Klube, duke i përshkruar ata si një “ekip shumë të kompletuar” me lojtarë të shkëlqyer dhe një trajner që ai e admiron.
PSG do të ndeshet me Chelsean të dielën në finalen e madhe të Kupës së Botës për Klube dhe për këtë ndeshje ka folur trajneri i parisienëve, i cili e vlerëson maksimalisht kundërshtarin.
“Chelsea nuk është një ekip i lehtë. Ata janë pak si ekipi ynë. Janë fizikisht të fortë, kanë lojtarë të shkëlqyer dhe një trajner të shkëlqyer që e dua”, ka thënë fillimisht Enrique.
gijotina.com/
Discussion about this post