Një rast tronditës u zbulua dy ditë më parë në Allias, Tiranë, teksa një grua e moshuar dhunohej pa pikë mëshire nga i biri i saj.
Nga pamjet që Iconstyle disponoi, shihej se si e moshuara dhunohej nga i biri, teksa këto pamje u rregjistruan nga banorë të lagjes të cilët të shqetësuar pretendojnë se agresori sapo ka dalë nga burgu dhe dyshohet se vuan nga probleme të shëndetit mendor e ndërsa nga kallëzimi i bërë prej banorëve u bë i mundur arrestimi i tij nga policia.
Lidhur me këtë ngjarje ka folur vetë e moshuara nëpërmjet një interviste të zhvilluar për RTSH.
Pjesë nga intervista:
Gazetarja: Po ti e ke denoncuar ndonjëherë djalin?
E moshuara: Jo, ja këtu më ka vrarë, tek balli.
Gazetarja: Sa vjeçe je ti nëna?
E moshuara: 73 vjeçe dhe jetoj vetëm me djalin. Bashkëshorti ka tre vite që ka ndërruar jetë.
Gazetarja: Djali ka patur probleme të shëndetit mendor?
E moshuara: Po! Tani që ishte arrest shtëpie ai rrinte pa mjekim fare. Më përpara nuk ka qenë kaq i keq, tani është bërë kështu.
Gazetarja: Kur ka qenë në shtëpi djali nuk i ka pirë ilaçet?
E moshuara: Nuk i ka pirë, ka qenë pa ilaçe fare. Nuk kemi patur mundësi të blejmë ilaçet, ku kemi mundësi me i ble? Bënin 40 mijë lekë ato ilaçet s’kishim mundësi. Unë kam hall që ai të rrijë tek doktoresha të marrë mjekimin e duhur. Pensioni im as 90 mijë lekë s’shkon në muaj. Unë vuaj nga tensioni. I kam ilaçet e tensionit, i pi në mëngjes esëll. Obobo dhe aq i sëmurë që ishte, sa sëmurë që është…
Discussion about this post