Fenomeni i shtëpive të barit që ka “pushtuar” Londrën, ka filluar të implementohet gjerësisht në vendin tonë. Së fundmi, një shtëpi bari është identifikuar në Kukës.
Sipas njoftimit të policisë, në bazë të informacioneve u bë i mundur lokalizimi dhe ndërhyrja në banesën e dyshuar, ku gjatë kontrollit u evidentua se njëra prej dhomave ishte përshtatur për të kultivuar bimë narkotike, me llamba. Shërbimet e Policisë gjetën dhe sekuestruan 934 fidanë të dyshuar narkotikë kanabis, të kultivuar në gota plastike, llamba elektrike, aspiratorë dhe aksesorë të tjerë që shërbejnë për ngrohje.
Ndërsa u shpallën në kërkim për veprën penale “Kultivimi i bimëve narkotike” kryer në bashkëpunim, pronari i banesës, K. H., 51 vjeç, dhe bashkëpunëtori i tij, H. S., 28 vjeç, të dy banues në Kukës.
Materialet procedurale iu referuan Prokurorisë pranë Gjykatës së Shkallës së Parë Kukës, për veprën penale “Kultivimi i bimëve narkotike” kryer në bashkëpunim.
Discussion about this post