Në mjerim prej kohësh ura në Polis Valë të Elbasanit, banorët: Shteti nuk ekziston këtu

Ura në Fshatin Polis Valë të Elbasanit prej kohësh është lënë në gjendje tepër të mjerueshme, por sot është kthyer në shqetësimin parësor të banorëve të Njësisë Administrative Labinot Fush, pasi ura ka bllokuar 4 fshatra dhe 850 banorë.

Lidhur me këtë situatë, ata shprehen se gjendja është katastrofë ndërsa shteti nuk ekziston në asnjë drejtim, që të jap një zgjidhje.

“Këtu nuk funksion asnjë gjë. Erdhi makina dhe ngeli këtu. Shteti nuk funksionon fare, bashkia nuk do t’ia dijë nëse populli është gjallë a vdekur. Ura katastrofë janë 4-5 fshatra që lidhen njëri me tjetrin. Ne nuk na ofrohet asnjë shërbim. Në kohë  fushate sa kalojnë urën nuk të shohin më në sy. Kjo urë është jetë për këta banorë.  Shteti nuk ekziston në asnjë drejtim”.