Forcat speciale të RENEA-s janë shpërndarë në 5 qytete të Shqipërisë për të zënë në befasi persona të shumëkërkuar që ende nuk janë prangosur. Mësohet se efektivët e RENEA-s dje kanë hyrë në 25 banesa të kontrolluara dhe ka shoqëruar 15 persona.
Për të shmangur dekonspirimet apo ndonjë rrjedhje informacioni nga “ushtarët” e personazhëve të rrezikshëm, efektivët lëvizën me dy furgonë pa logon e policisë dhe me xhama të zinj. Edhe kësaj here janë rrotulluar pranë zonës së Bradasheshit por Talo Çela u ka shpëtuar sërish.
Ndonëse “peshkimi” në Elbasan nuk ka shkuar aq mirë sa pritej, në qytetet e tjera ka ndodhur e kundërta. Në Vlorë u kap Edison Begaj, ndërsa aksioni u shti edhe në Vlorë, Durrës e Lushnje. Deri më tani nuk ka ndonjë njoftim zyrtar lidhur me operacionit.
