“Në një vend normal, sot kryeministri duhej të ishte dorëhequr”

Analisti Armand Shkullaku është shprehur se, në një vend normal, pas  skandalit si ai i “McGonigal” kryeministri do të kishte dhënë dorëheqjen.

‘Në një vend normal, sot po të ishim në një vend normal, kryeministri do të kishte dhënë dorëheqjen. Debati duhet të jetë sa e thellë është afera në dëmtimin e interesave të Shqipërisë. Ky McGonigal, a është e vërteta se ka mashtruar biznesmenë të tjerë, a është e vërtetë që ka shantazhuar politikanë të ndryshëm, që ka tentuar të fusë kompani të vetat me interesa ruse”, tha ai në emisionin ‘Çim Peka LIVE’.

“Akt akuza është e qartë, kryeministri i një vendi përmendet 14 herë aty. Imagjinoni të dalë kancelari Scholz që ka pritur në mënyrë sekrete një shef të FBI-së, pa njoftuar SHBA, imagjinoni sikur Shrëderi të ketë dhënë informacione në SHBA, për të luftuar rivalët politikë. Ne kemi akuzë që agjenti i FBI-së, ka marrë para për të dërguar përpara interesat e kryeministrit shqiptar, ai ka qenë deri në grykë në marrëdhënie sekrete me kryeministrin shqiptar”, u shpreh Armand Shkullaku.