Ish-kryeministri, Sali Berisha në konferencën e përjavshme me gazetarët, gjatë ditës së sotme foli në lidhje me raportin e OSBE/ODIHR për zgjedhjet e 14 Majit.
Sipas Berishës, ky raport ka një mesazh për shqiptarët, me Edi Ramën nuk ka zgjedhje, por ka farsë.
“Akti i djeshëm në parlament përbënte atentatin më të shëmtuar të narkoshtetit ndaj pluralizmit parlamentar në 32 vite.
Edi Rama tregoi se nuk pranon pluralitetin e vërtetë në parlament dhe në një akt të pashembullt, në mënyrë absolute në asnjë vend tjetër pluralist, merr përsipër t’i caktojë opozitës, përfaqësuesin që don ai.
Siç bëri në zgjedhjet e 14 majit me kryetarin e koalicionit.
Të gjitha këto janë çështje thelbësore të cilave opozita duhet t’u përgjigjet dhe do u përgjigjet.
Thelbi është me protesta të fuqishme dhe përpjekje të tjera komplekse.
Me Edi Ramën nuk ka zgjedhje, nuk ka pluralizëm parlamentar. Ne do i mbrojmë ato.”, tha Berisha.
Më tej, Berisha theksoi se PD nuk do të bojkotojë, sepse bojkoti do të thotë rikthimi i monizmit në qeverinë vendore
“Bojkoti do të thotë rikthimi i monizmit në qeverinë vendore.
Ne nuk e rikthejmë monizmin, përkundrazi do përpiqemi që këshilltarët tanë të kthehen në një zë të fuqishëm për qytetarët aty ku janë.
Votëbesimi i kryetarit të PD, sipas statutit, më thonë se e paska Kuvendi. Do bëhet siç thotë statuti.
Unë jam i gatshëm edhe me anëtarësinë, nëse thotë Kuvendi, por natyrisht do respektohet statuti.”
Discussion about this post