Autoritetet greke janë në alarm për zhdukjen e një 25-vjeçari nga Paleo Faliro në Athinë. Ai është Kristian Tozaj me origjinë shqiptare, gjurmët e të cilit humbën më 05.09.2024.
“Buzëqeshja e Fëmijës” është njoftuar për zhdukjen e tij ditën e hënë 16.09.2024 dhe ka vazhduar me publikimin e të dhënave të të rriturit, me kërkesë të familjarëve të tij, pasi siç shkruan, mund të ketë arsye që e vënë në rrezik jetën e tij.
Tozaj është 1,80 m i gjatë, i hollë, ka flokë kafe dhe sy kafe. Nuk dihet se çfarë kishte veshur ditën kur u zhduk.
“Kushdo që ka ndonjë informacion është i lutur të kontaktojë “Buzëqeshja e Fëmijës” në telefon 24 orë në ditë, në “Linjën Kombëtare për të Rriturit e Humbur – 1017”, në të gjitha Drejtoritë e Policisë në vend si dhe përmes aplikacionit Missing Alert ku ka informacione të drejtpërdrejta për zhdukjen”, thuhet në njoftim.
Disa ditë më parë, autoritete greke njoftuan zhdukjen e një vajze shqiptare.
Discussion about this post