Prokuroria e Posaçme do të marrë nesër në pyetje presidentin e Partisë së Lirisë si person nën hetim. Ilir Meta ndodhet nën masën e arrestit burg prej 21 tetorit 2024.
Ish presidenti i vendit dyshohet për tre vepra penale, “korrupsion” në 3 raste, “pastrim parash” dhe “fshehje të pasurisë”. Vetë Meta i ka mohuar në mënyrë kategorike të ketë shkelur ligjet, duke e konsideruar veten një objektiv politik të Prokurorisë.
Po sot (6 janar) është marrë në pyetje si person nën hetim Ema Çoku.
Për të njëjtat dyshime, ka nisur hetim edhe ndaj zonjës Kryemadhi nën masën e sigurisë detyrim me paraqitje, e cila u paraqit këtë të hënë në SPAK.
Pas raportimeve mediatike se do të pyetet në SPAK, ka reaaaguar dhe Presidneti i Lirisë. Në një postim në “FB”, ai shkruan:
“Sapo mësova nga mediat e regjimit, që nesër unë, lideri i Partisë së Lirisë, forcës së dytë opozitare dhe forcës së tretë politike në vend, qenkam thirrur për t’u pyetur nga organizata kriminale SPAK, e cila firmosi rrëmbimin tim të paligjshëm dhe banditesk. Padyshim që do jem atje për t’i marrë unë në pyetje dhe pas kësaj seance jam i hapur për çdo pyetje nga mediat që do të jenë të pranishme”.
Discussion about this post