“Në parlament pa kandidat?” Mediu: Nëse shtyjmë raundet i japim justifikimin PS për ta zgjedhur

Mazhoranca dhe opozita po zhvillojnë këtë të mërkurë tryezë diskutimi për presidentin e ri të Republikës.

Në fjalën e tij deputeti Fatmir Mediu u shpreh se procesi pa kandidat i jep frymë PS.

“Mbështes qëndrimin e koleges Doda në atë çka shpjegoi. kriteret pranime janë të vlefshme, po të doni vendosim edhe cilësi të presidentit që ta njohim më mirë,. Është absurde nëse ne hyjmë në parlament pa pasur kandidature. Pra as më shumë as më pak i jep shans justifikimit të farsës për zgjedhjen e presidentit. Ose duhet të dalim me një kandidat 2 apo 3 ose duhet të marrim qëndrim për të mos u bërë pjesë e këtij procesi. Ka ardhur koha të mbajmë një qëndrim të saktë nëse shtyjmë raundet i japim justifikimin PS për ta zgjedhur.”, tha Mediu.

Ky takim po zhvillohet para kamerave me kërkesë të Enkelejd Alibeajt.