Ditën e nesërme do të mbahet derbi i Tiranës, ku këta të fundit do të presin Partizanin në një përballje që pritet të dhurojë vërtet shumë spektakël.
Në konferencën për shtyp para këtij takimi, trajneri i ‘kampit të kuq’, Ilir Daja ka analizuar skuadrën e tij, ku komentoi para mediave të pranishme:
‘’Atmosfera është tepër pozitive, përtej pikëve të munguara, por më shumë të lëna nga loja që kemi bërë. Atmosfera është pozitive për vetë faktin se derbi i prodhon këto, të gjithë janë të motivuar, kemi kërkuar nga lojtarët të mos të ulet doza e entuziazmit pavarësisht fitores së munguar në këto javë’’.
‘’Gjendja e skuadrës nuk është e plotë, për shkak disa mungesave të formacionit bazë ku do të veçoja Kaçen, Caren dhe Kardozon që janë lojtarët që kanë qenë në formacion. Problem është dhe mungesa e alternativës Kamara, që për shkak problemeve të lejes të qëndrimit ka lëvizur jashtë Shqipërisë, që do të thotë se Partizani është korrekt. Që do të thotë reparti që neve nga mungojnë shumë janë sulmi, ku përveç Kaçes pjesa tjetër janë sulmues. Por derbi është derbi për tu fituar dhe nuk ka vend për justifikime. Çdo lojtar që do hidhet në fushë do të japë maksimumin për të marrë fitoren e parë që nga mungon këto javë të para’’
Ndërsa sa i përket pjesmarrjes së tifozëve në shkallet e stadiumit ‘Air Albania’, në masën 30%, tekniku shprehet:
‘’Ne e kemi të qartë që ndeshjet luhen për tifozët dhe çdo trajneri i ekipeve do të kërkojë kapacitet 100%, por duhet të jemi dhe në sinkron të sinkron të situatës, pasi një mbushje e stadiumit mund të sjellë agravim të situatës. Duhet të falsin specialistët për këtë punë por ne duam që gjithmonë stadiumi të jetë plot’’, komentoi Daja.
