Kryetari i Partisë Demokratike, Lulzim Basha do të mbledhë ditën e sotme Kolegjin e Kryetarëve në orën 11:00. Ka qenë sekretari i Përgjithshëm, Gazment Bardhi i ka dërguar një mesazh të gjithë kryetarëve të degëve të Partisë Demokratike.
Sipas njoftimit të bërë nga Bardhi, pritet që sot të mblidhet edhe Kryesia e Partisë. Kjo mbledhje pritet të bëhet në vijim të vendimit të Kuvendit Kombëtar të datës 18 Dhjetor, ku u miratua Programi Organizativ i PD.
“Të nderuar Kryetarë! Të shtunën, datë 8 Janar, ora 11:00 do të zhvillohet mbledhja e Kolegjit të Kryetarëve të PD për diskutimin mbi kalendarin dhe masat për organizimin e partisë në zbatim të vendimit të Kuvendit Kombëtar të datës 18 Dhjetor “Për miratimin e programit organizativ të Partisë Demokratike”. Në mbledhje merr pjese edhe Sekretariati i Partisë. Programi i diskutuar dhe miratuar nga Kolegji i Kryetarëve, do ti nënshtrohet më pas miratimit nga Kryesia e Partisë, e cila do të mblidhet po atë ditë. Ju përshëndes, Sekretari i Përgjithshëm Gazment Bardhi”, shkruhet në njoftim.
Kjo mbledhje do të bëhet ndërkohë që ish-kryeministri Sali Berisha do të jetë duke protestuar në ambientet e jashtme të selisë blu, protesta e cila do të nisë në orën 12:00.
Discussion about this post