Ditën e sotme, një 37-vjeçar me iniciale E.Y., është vënë në pranga pasi akuzohet se është autor në disa vjedhje automjetesh. Në njoftimin e policisë bëhet me dije se gjatë javëve të fundit, kryesisht gjatë natës, i akuzuari ka kryer një sërë vjedhjesh në zonën e Unazës së Re.
“Finalizohet me sukses operacioni policor i koduar “Unaza”, për goditjen e veprimtarisë kriminale në fushën e vjedhjes së pronës dhe pasurisë. Operacioni u zhvillua nga Komisariati i Policisë Nr. 6. Zbardhen dhe dokumentohen disa raste të vjedhjeve në automjete, vihet në pranga një 37-vjeçar. Në kuadër të këtij operacioni u bë ndalimi i shtetasit E. Y., banues në Tiranë, për veprën penale “Vjedhja”. Sekuestrohen veshje të cilat dyshohen se autori i përdorte për kryerjen e vjedhjeve, si dhe sende të tjera të dyshuara të vjedhura. Shërbimet e Komisariatit të Policisë Nr. 6, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve para përgjegjësisë penale, pas një pune të mirëfilltë hetimore disa javore, organizuan dhe finalizuan me sukses operacionin policor të koduar “Unaza”.”
Konkretisht, që prej muajit shkurt, 37-vjeçari ka vjedhur sende dhe shuma parash, në 6 automjete që ndodheshin në garazhe të ndryshme, në Unazë të Re. Në njoftim shtohet se janë sekuestruar veshje të cilat dyshohen se autori i përdorte për kryerjen e vjedhjeve, si dhe sende të tjera të vjedhura.
“Si rezultat i hetimeve dhe provave të grumbulluara, ka rezultuar se ky shtetas, gjatë javëve të fundit, kryesisht gjatë natës, ka kryer një sërë vjedhjesh në zonën e Unazës së Re. Prej muajit shkurt të këtij viti deri mbrëmjen e djeshme, që u kap në flagrancë nga shërbimet e Seksionit të Hetimit të Krimeve të Komisariatit të Policisë Nr. 6, shtetasi E. Y. ka vjedhur sende dhe shuma parash, në 6 automjete që ndodheshin në garazhe të ndryshme, në Unazë të Re. Në bashkëpunim me Prokurorinë vijon puna për dokumentimin e vjedhjeve të tjera që mund të jenë kryer nga ky shtetas, identifikimin dhe kapjen e bashkëpunëtorëve të tij. Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.”
Discussion about this post