Edhe pse së fundmi moderatorja e njohur shqiptare Luana Vjollca nuk ka dalë ende me një projekt të ri televiziv, “gjuetarët” e showbizz kanë qenë gjithmonë të gatshëm për të zbuluar me tepër rreth jetës së saj private. Vjollca prej kohësh është përfolur se është në një lidhje dashurie me biznesmenin nga Kosova, Krenar Çoçaj, megjithëse asnjëri prej tyre nuk e ka pranuar publikisht këtë gjë. Luana është shprehur gjithmonë se nuk do të flasë për jetën private sepse ajo i përket vetëm asaj.
Mirëpo, Shqipëria është një vend kaq i vogël dhe sekretet nuk zgjasin gjatë!
Ndërkohë dyshimet për një krisje të marrëdhënies së tyre kanë vijuar pas një vëzhgimi në Instagram, ku shihet qartë se dyshja nuk po ndjekin më njëri-tjetrin, ndërsa Krenari ka zgjedhur të ndjekë motrën e Luanës, Marinën, e cila e ndjek po ashtu.
Se çfarë ka ndodhur mes tyre dyshes nuk dihet në një kohë kur flitej se ata kishin bërë shumë plane për të ardhmen së bashku.
