Lil Nas X vendosi të promovojë albumin e tij më të fundit në një mënyrë aspak të zakontë. Reperi pozoi me barkun e rrumbullakosur duke zbuluar se është në pritje të albumit të ri “Montero”, i cili do të publikohet më 17 shtator.
“Surprizë! Nuk mund ta besoj që më në fund po e bëj këtë njoftim. Pakoja ime e vogël e lumturisë “Montero” do të dalë në 17 shtator 2021”, shkruan Lil Nas X.
Ai tregoi gjithashtu se frymëzimi i tij ishte teksti i këngës ‘Dolla Sign Slime’ nga Megan Thee Stallion.
“Në ato momente mendova ‘Oh Zot, është e mrekullueshme’ dhe telefonova stilisten time. Ajo më tha ‘wow, të gjitha do të vijnë bashkë. Albumi yt. Fëmija yt. Dhe unë thashë ‘Po, ky është fëmija im’.
Ajo më tha me shaka se duhet të bëja një set fotografik shtatzanë, por mua mu duk një ide me të vërtetë brilante.” u shpreh reperi.
