Presidentja e Kosovës, Vjosa Osmani, ka takuar ministrin e Jashtëm të Japonisë, Toshimitsu Motegi në kuadër të vizitës së saj në shtetin japonez.
Në një status në Facebook, Osmani ka falenderuar ministrin e jashtëm për mbështetjen e Japonisë përgjatë vitetve për Kosovën.
“Unë shpreha mirënjohjen tonë për partneritetin dhe mbështetjen e Japonisë ndër vite. Unë gjithashtu theksova rëndësinë e mbështetjes së Japonisë për Kosovën në skenën ndërkombëtare dhe theksova gatishmërinë tonë për një bashkëpunim më të madh”, ka shkruar Osmani.
Gjatë qëndrimit të saj në Japoni, Osmani pritet ta takojë edhe kryeministrin japonez, Yoshihide Suga.
Ajo ka udhëtuar dje drejt Tokios për të marrë pjesë në hapjen e Ceremonisë së Lojërave Olimpike që zhvillohen në kryeqytetin japonez ku pjesmarrëse është edhe Kosova.
