Ndërkohë që shoqëria civile ka paralajmëruar që do të mbajë në peticion në mbarë Shqipërinë, për shkarkimin e tij, ministri i Brendshëm, Bledi Çuçi ka vendosur të “arratiset” nga detyrat e tij në kabinetin qeveritar.
Mësohet se ministri Bledi Çuçi i ka deleguar kompetencat e tij të postit që mban, drejtorit të Agjencisë së Hartimit të Programeve të veçanta Bledar Skënderi deri në datën 22 gusht të këtij viti.
Kjo lëvizje e Çuçit, vjen pak ditë pasi shumë qytetarë kanë organizuar protesta para ministrisë së Brendshme duke i kërkuar dorëheqjen pas tragjedisë së ndodhur në Himarë ku një 7 vjeçare humbi jetën si shkak i goditjes nga skafi që drejtohej nga polici Arjan Tase.
Nuk dihet nëse kjo lëvizje e ministrit të Ramës, është për t’i shpëtuar kërkesave të protestuesve të cilët kërkojnë drejtësi për Jonadën e vogël, 7-vjeçare, e cila humbi jetën në plazhin e Potamit, pasi u godit nga skafi i drejtuar nga komisari Arjan Tase. Përveç, ministrit Çuçi, të afërmit e Jonadës dhe protestuesit kanë kërkuar nga kryeministri Edi Rama shkarkimin e ministres së Turizmit, Mirela Kumbaro dhe kreut të Policisë së Shtetit, Gledis Nano.
Discussion about this post