Biznesmeni Rezart Taçi i cili tashmë ndodhet në “rrjetën” e SPAK, ka mohuar kategorikisht akuzat, se është pjesë e një grupi kriminal që dyshohet se janë marrë me pastrim parash, vlera e së cilës përllogaritet diku te 18 milionë euro.
Taçi tashmë i shpallur në kërkim deklaron se nuk ka lidhje me personat e përmendur në dosje dhe se prej 15 vitesh po persekutohet ekonomikisht.
Biznesmeni tha në Zona Zero, se ai disa muaj më parë është kontaktuar nga një miku i tij italian, Daniele, të cilin e njeh prej 25 vitesh për të hapur një llogari bankare në Shqipëri, dhe ai e ka drejtuar që të ndjekë të gjitha procedurat e hapjes së një llogarie sipas rregullave të shtetit shqiptar, dhe këtu tha Taçi fillon dhe mbaron roli i tij, prandaj “nuk e kuptoj se ku qëndron vepra penale”, tha ai në Zona Zero.
“Disa muaj më parë një ekonomist nëpërmjet një mikut tim më kërkon ti hapë një llogari në Shqipëri, i them kam 6 vite që jam i shkëputur, i thashë shkon në Shqipëri hap një llogari dhe bëj gjërat sipas rregullave, dhe këtu mbaron dhe fill roli im. Fabio Petruzzella, i prezantuar nda Daniele më ka kërkuar ndihmë a mund të hapim një llogari, se di tani ç’janë këto akuza”, tha taçi.
I pyetur për rolin e dy shqiptarëve të tjerë të arrestuar nga SPAK, Artur Balla dhe Bledar Lilo, Taçi tha se ata ishin thjesht shoqëruesit e shtetasve italiane në Tiranë për t’i ndihmuar, por që sipas tij nuk kanë kryer asnjë vepër penale, pasi sipas tij nuk janë në pozitat për të ndërhyrë për më shumë.
Taçi më tej la të kuptohet se në fakt përtej kësaj fshihet një grup personazh ndoshta, ose një njeri që sipas tij ka lobuar prej vitesh ta njollosë figurën e tij. Biznesmeni tha se ai është i gatshëm që të vijë në Shqipëri dhe të përballet me drejtësinë dhe më këtë dorë që lobon kundër tij.
Discussion about this post