Kuqezinjtë luajnë mbrëmjen e sotme ndeshjen e fundit në Grupin E në kuadër të kualifikueseve për në Euro 2024, ndërsa Shqipëria ka prerë tashmë biletën për të marrë pjesë në europianin që do të zhvillohet në Gjermani.
Ndeshja e sotme ndaj Ishujve Faroe, fitore ose barazim, i garanton kuqezinjve vendin e parë në Grup, ndërsa Moldavia dhe Çekia do të luajnë përballjen e tyre për vendin e dytë.
Ndeshja ndaj Ishujve Faroe do të luhet në orën 20:45 në Air Albania, por qindra tifozë të kombëtares, në pjesë e madhe të ardhur nga Kosova dhe diaspora kanë mbushur rrugët dhe lokalet e kryeqytetit duke kënduar këngë patriotike.
Të veshur me simbole kombëtare dhe flamuj kuqezi tifozët kanë krijuar një atmosferë fantastike këtë të hënë në Tiranë.
Por pas ndeshjes pritet një tjetër atmosferë e zjarrtë në kryeqytet, ndërsa grupimet e tifozëve kanë paralajmëruar surpriza.
Discussion about this post