Gjykata Kushtetuese vendosi të lërë në fuqi ligjin për kompensimin e pronave, duke rrëzuar kështu kërkesat e KMSH.
Komuniteti Mysliman Shqiptar kërkoi në padi shfuqizimin e disa neneve të ligjit të ndryshuar në tetor të vitit të kaluar, si dhe të një serie vendimesh të këshillit të ministrave, që janë nxjerrë para dhe pas këtyre ndryshimeve në zbatim të këtij ligji.
KMSH kundërshtonte metodologjinë e përllogaritjes së kompensimit financiar për pronat ndaj të cilave ka ndryshuar zëri kadastral.
Komuniteti Mysliman i Shqipërisë ka kundërshtuar edhe një nen të ligjit të miratuar në 2022 në të cilin përcaktohet se indeksimi i faturës së kompensimit do të bëhet deri në momentin e publikimit të vlerës së kompensimit dhe jo deri në momentin që bëhet ekzekutimi i saj, sikundër është rekomanduar edhe nga Gjykata e Strasburgut.
Kushtetuesja pak javë më parë pezulloi ligjin, deri në marrjen e vendimit, çka u konsiderua si një sinjal pozitiv se ligji mund të rrëzohej. Pezullimi i ligjit solli reagimin e Agjencisë së Trajtimit të Pronave e cila theksonte se është pezulluar procesi i shqyrtimit për 7000 dosjeve të patrajtuara ndërsa rrezikohet edhe djegia e fondit të alokuar për këtë vit.
“Pezullimi aktual i ligjit do të rezultojë në vonesa dhe shtyrje të zgjidhjes përfundimare të procesit të kompensimit. Kjo ndikon jo vetëm pronarët, por gjithashtu shoqërinë shqiptare në tërësi. Fondi i kompensimit për vitin 2023, i cili do të përdorej për kompensim financiar, tani do të pësojë djegie në vlerën 2.340.000.000 lekë”, thuhej në deklaratën e dhjetorit.
Sot Kushtetuesja provoi se në raste të vendimeve decizive, duket se është në shërbim të Qeverisë, pasi në asnjë rast anëtarët e kësaj gjykate nuk kanë guxuar të rrëzojnë ligjet apo vendimet e Edi Ramës.
Discussion about this post