Një ditë pasi u pezulluan për shkak të problemeve teknike, kanë rinisur bisedimet e video-konferencës ndërmjet delegacioneve ruse dhe ukrainase për një armëpushim të mundshëm.
Lajmi vjen nga një anëtar i delegacionit të Kievit, David Arakhamia, udhëheqës i partisë së Presidentit Zelensky, duke folur për “Ukraynskaia Pravda”. Një këshilltar i qeverisë ukrainase ka thënë më herët se pret që lufta të përfundojë në fillim të majit.
Raundi i katërt i negociatave për paqen midis Rusisë dhe Ukrainës nisi ditën e djeshme nëpërmjet një video konference, por u pezullua përkohësisht deri më sot për çështje teknike.
Ditën e djeshme përfaqësuesit nga dy palët e thanë se bisedimet janë të vështira, megjithatë ata u shprehën optimistë për një zgjidhje në interes të dy vendeve
Discussion about this post