Në vend të Ahmetajt/ Dallëndyshe Bici refuzon mandatin e deputetes, i kalon Plarent Ndrecës

Komisioni Qendror ka pranuar shkresën e Kuvendit, I cili njoftoi se mandati i Arben Ahmetajt ka përfunduar.

Por Dallëndyshe Bici ka refuzuar mandatin e deputetes, mandat ky që iu dogj Arben Ahmetajt.

Ajo i ka kthyer përgjigje kreut të Komisionit Qendror të Zgjedhjeve, se nuk do të pranojë vakancën e krijuar pasi Arben Ahmetaj e humbi mandatin e deputetit.

“Me shkresën nr. 43/1 prot., date 9.1.2024 me lëndë “Njoftim për dorëzim dokumentacioni”, për të cilën kam marrë dijeni në datë 10.1.2024, jam njoftuar për depozitimin e formularit të vetëdeklarimit pranë Komisionit Qendror të Zgjedhjeve.

Nga sa më sipër, ju bëj me dije se nuk do të vijoj procedurat ligjore përkatëse për marrjen e mandatit të deputetit në Kuvendin e Shqipërisë, për shkak të angazhimit tim në detyrën funksionale që ushtroj aktualisht në institucion qëndror”, shkuan ajo në shkresën depozituar KQZ.

Mësohet se mandati, sipas listës emërore të PS në zgjedhjet parlamentare të 2021-it, i kalon Plarent Ndrecës.

Nuk dihet nëse ky i fundit do ta pranojë mandatin.