Në vendin dhe kohën e gabuar, kur plumbat nuk kursejnë as të pafajshmit

Një ngjarje e rëndë tronditi mbrëmë Shqipërinë, teksa tre persona humbën jetën dhe një tjëtër mbeti i plagosur rëndë pas një atentati në Memaliaj.

Shënjestër ishin dy vëllezërit Shyqo dhe Artur Kalemi, të cilit ishin ulur në tavolinën e jashtme të lokalit, ku i pari mbeti i vdekur nga breshlria e kallashnikovit, ndërsa i dyti i plagosur në gjendje të rëndë.

Atentati shënoi dhe dy viktima aksidentale, pasi plumbave të kallashnikovit nuk iu shpëtoi as kamarieri i lokalit, Gledio Muka dhe një klient i lokalit Marsel Çela, të cilët humbën jetën në vend.

Por Muka dhe Çela, nuk janë rastet e vetme që humbin jetën në mënyrë të pafajshem, teksa gjenden në vendin dhe kohën e gabuar.

Vrasja e Musaen Zenelit

Në atë kohë vetëm 20-vjeç, Musaen Zeneli humbi jetën në ditën e parë të punës pas përplasjeve me armë mes 2 familjeve pronarë hotelesh, Ferracaku dhe Gocaj për disa metra territor plazh, ku u shënuar 4 viktima mbrëmjen e 26 qershorit 2021.

I riu me njohuri fillestari në kuzhinë, ishte shpërngulur në hotelin e vëllezërve Gocaj dhe kishte ditën e parë të punës, ku shërbente edhe si kamarier.

Vrasja e tij, tronditi opinionin publik.

Ekzekutimi në Don Bosko i Erjon Çelës

Ulja në një tavolinë me 4 persona të tjerë mes tyre dajën, të vëllanë, kamarierin dhe një person tjetër, ishte për Erion Çelën, teksa humbi jetën në një atentat në Don Bosko, mbrëmjen e 4 janarit 2022.

Erion Çela ishte pronari i një tabakinoje që ndodhej afër lokalit ku ndodhi vrasja dhe që shpesh e frekuentonte.

Por plumbat i morën e jetën, në mënyrë të pafajshme. Një gjë e tillë u pranua edhe nga rupi i vrasësve me pagesë, mes tyre edhe vëllezërit Gentian dhe Indrit Beqiraj, të cilët thanë se kishin ngatërruar objektiv.

Plumbat mbi banakieren e lokalit

Mimoza Paja është një tjetër viktimë e pafajshme e luftës së pashtershme të grupeve kriminale për të eliminuar kundërshtarët.

58-vjeçarja, e cila punonte banakiere, u vra gabimisht nga breshëria e plumbave që krimi lëshoi pa mëshirë dhe pa menduar se kujt do ia merrnin jetën.

Faji i saj i vetëm ishte që kishte zgjedhur të punonte për të mbajtur familjen, por pa e ditur, në një lokal, që rezultoi të ishte në pronësi të një personi me precedent të shumtë kriminalë, siç është Fatjon Murati, pjesë e grupit rival të Ervis Martinajt.

Teksa përplasja mes grupeve kriminale, duket se në vitet e fundit nuk ka kursyer as jetët e pafajshme.