Në xhupin e viktimës u gjetën 5 cigare dhe një çakmak, detaje nga zjarri në Kamëz

Detaje të reja kanë dalë në lidhje me incidentin me zjarr në burgun e Kamzës, dy ditë më parë, ku mbeti i vdekur 26-veçari, Arben Mici dhe u plagosën një i dënuar dhe njëri nga policët që ishte në turn.

Arben Mici ishte ai që i vuri zjarrin qelisë në Komisariatin e Kamzës, i cili ishte arrestuar disa ditë më parë pasi kishte ushtruar dhunë ndaj nënës.

Burime pranë ekspertëve të kriminalistikës bëjnë me dije se në dhomën ku ndodhej Arben Mici u gjet një paketë duhani me tetë filtra. Ndërsa në trupin e tij iu gjetën nëpër xhepa pesë cigare, një paketë Slims, si dhe një çakmak me ngjyrë blu.

Sipas ekspertëve, këmbëza e gazit mungonte. Por brenda çakmakut kishte gaz, pasi ekspertët e ndezën normalisht. Në pranga kanë rënë inspektorët Fatmir Isufi dhe Hajredin Boja, ky i fundit mbeti dhe vetë i lënduar, ndërkohë që janë proceduar inspektorët Lutfi Muça, Mark Marashi dhe komisar Ylli Çollaku.