Parlamenti Evropian nuk do të propozojë pezullimin e negociatave me Beogradin, por do t’i lidhë ato me sanksione kundër Rusisë dhe do të sugjerojë se “negociatat e anëtarësimit do të avancojnë vetëm nëse Serbia respekton sanksionet e BE-së kundër Rusisë”.
Lajmi u mësua nëpërmjet burimeve diplomatike në Bruksel. Në terma diplomatikë ata do të sugjerojnë që negociatat do të ‘ngrijnë’ derisa Beogradi t’i bashkohet bllokadës kundër Moskës.
“Negociatat e anëtarësimit me Serbinë do avancojnë vetëm nëse vendi përputhet me sanksionet e BE-së kundër Rusisë,”– thuhet në Draft Raport për Strategjinë e Zgjerimit.
Lidhur me këtë situatë të krijuar, kujtojmë se ditën e djeshme u raportua se Parlamenti Europian do t’i kërkonte Bashkimit Evropian të pezullonte negociatat e anëtarësimit me Serbinë derisa të vendosë sanksione ndaj Moskës.
Discussion about this post