Zvicra ka fituar këtë vit në Eurovizion. Kënga e reperit dhe këngëtarit zviceran Nemo “The Code” i bëri përshtypje jurisë dhe publikut në aktivitetin popullor vjetore, mbajtur të shtunën në Malmö të Suedisë.
“Është gjëja më e çmendur që më ka ndodhur ndonjëherë”, tha vokalisti 24-vjeçar në konferencën për shtyp pas aktivitetit.
“The Code” eksploron identitetin pa gjini të artistit në një përzierje madhështore të operës, repit, drum-and-bass dhe muzikës elektronike të kërcimit. Nemo ishte një nga dy këngëtarët pa gjini që konkurruan në finalet e mëdha të Eurovizionit këtë vit, së bashku me Bambie Thug të Irlandës.
Zvicra e mundi me fare pa vota diferencë Kroacinë e preferuar që para konkursit, duke fituar 591 vota krahasuar me 547 të nënkampiones, në një aktivitet që nuk ishte pa polemika.
Siguria ishte e rreptë për hyrjen e artistes së Izraelit, Eden Golan. Ajo mori disa kritika dhe ktheu shpinën gjatë interpretimit të saj, por u rendit lart në konkurim, në vendin e 5-të me 375 vota.
Mijëra protestues kundër luftës së Izraelit në Gaza u mblodhën jashtë Malmö Arena në ditët para finales, duke kërkuar skualifikimin e Izraelit.
Ndërkohë, konkurrentja holandeze Joost Klein u skualifikua vetëm disa orë para fillimit të finales për shkak të ankese të paraqitur nga një anëtare e ekipit të prodhimit.
Discussion about this post