Pavarësisht se SPAK ka ngritur akuzë ndaj tij, KQZ do të lejojë vijimin e mandatit të Leonard Hides, kryetar i Bashkisë së Libohovës, i zgjedhur nën siglën e PS.
Kështu u njoftua zyrtarisht këtë të mërkurë, pas shqyrtimit të kryer dhe zbardhjes së raportit mbi çështjen e relatuar.
Hide është nën hetim dhe akuzë nga SPAK për “shpërdorim detyre”, për periudhën kur ishte shef i Krimeve në Gjirokastër, për 5 episode në vitin 2021, në lidhje me parcelat e drogës të mbjella në zonën administrative që mbulonte atëkohë, por meqë është në fazë hetimi ende dhe nuk ka vendim fajësie nga GJKKO, KQZ do të deklarojnë nesër mos-prekjen e mandatit të tij, nga Ligji i Dekriminalizimit.
Aktualisht, dosja është në SPAK, pasi Prokuroria e Gjirokastrës më 12 Qershor 2023 shpalli moskopetencën e saj, pasi Hide fitoi zgjedhjet vendore të 14 Majit 2023, duke u zgjedhur kryetar i bashkisë së Libohovës.
Discussion about this post