SPAK ka kërkuar dënimin me 33 vite burg, për dy persona të përfshirë në trafikun e drogës. Bëhet fjalë për 18 vite heqje lirie për Irfan Sulën dhe 15 për Dëfrim Çelën. Ata akuzohen nga Prokuroria e Posaçme për kryerjen e veprave penale “Trafikim i narkotikëve” kryer më shumë se një herë në kuadër të grupit të strukturuar kriminal. Sula e Çela u vunë në pranga në korrik të vitit te kaluar në kuadër te operacionit “Kujtesa”.
Operacioni u zhvillua nga Policia e Shtetit në bashkëpunim me autoritetet e drejtësisë së Greqisë dhe Maqedonisë së Veriut. Nga hetimet e kryera rezulton se Irfan Sulaj dhe Dëfrim Çela gjatë vitit 2016 në bashkëpunim me persona të tjerë, kanë drejtuar trafikimin e heroinës nga Shqipëria drejt Greqisë dhe më pas na vendet e tjera të BE-së.
Discussion about this post