Nën akuzë për vrasjen horror në Greqi/ Gjykata e Kukësit vendos ta lirojë nga burgu

Për të dënuarin Burim Durakun i akuzuar për veprën penale “Vrasje me Paramendim në Bashkëpunim” është shuar masa e sigurimit.

Personi në fjalë u arrestua në 20 dhjetor 2019 pasi kërkohej nga drejtësia greke. Sipas burimeve të Anila Hoxhës që i konfirmuan këtë vendim të gjykatës, Duraku dyshohet se vrau në Greqi në maj 2010 shtetasen Artemis Vasilopou.

Ngjarja e rëndë sipas autoriteteve greke ka ndodhur në vendin e quajtur Argostoli të Kefalinias të Greqisë, shtetasi Burim Duraku, në bashkëpunim me shtetasin Sh. D., me maska janë futur në banesën e shtetases greke A. V. Pasi kanë tentuar pa sukses të shpërthenin me një mjet të mprehtë derën midis kuzhinës dhe sallonit, e cila ka qenë e kyçur, e kanë thyer derën dhe janë futur brenda. Aty kanë gjetur shtetasen greke A. V., të cilës i kanë lidhur duart dhe këmbët me një shirit ngjitës.

Më pas kanë grisur me thikën një copë xhakete dhe e kanë mbështjellë me shiritin ngjitës duke i zënë frymën e më pas i kanë vënë në kokë një qese plastike dhe si pasojë e asfiksisë ajo ka gjetur vdekjen.

Këta dy persona më pas kanë vjedhur një shumë të hollash dhe disa sende të çmuara.