Një i ri shqiptar, i cili ishte nën efektin e alkoolit dhe të drogës ka shkaktuar një aksident të rëndë në Itali, me pasojë vdekjen e partneres së tij 24-vjeçare italiane Mariagrazia Bedin, dhe i plagosur ka mbetur djali 6 muajsh, që ndodheshe në makinë.
Mediat italine shkruajnë se 24-vjeçari që ka shkaktuar aksidentin është Ali Hoxha, i cili ka humbur kontrollin e mjetit papritur dhe makina është përmbysur.
Automjeti ka dalë dhe nga rruga. Pas kësaj, kanë ndërhyrë ambulancat, që kanë arritur në vendngjarje së bashku me zjarrfikëset, që të nxjerrin të dëmtuarit nga mjeti. Për fat të keq, për nënën e re nuk kishte mbetur asgjë për të bërë.
Ndërsa, fëmija i çiftit dhe motra e shoferit janë plagosur dhe u dërguan në spital. Në spital shkoi dhe vetë Hoxha, që ka dalë pozitiv në testet për alkoolin dhe drogën. I riu është shoqëruar në komisariat dhe është në arrest shtëpie.
Discussion about this post