Një 32-vjeçar është arrestuar në Kavajë, pasi ushtroi dhunë ndaj vëllait të tij dhe kanosi nënën e tyre. Ngjarja ndodhi mbrëmjen e djeshme, kur i riu me inicialet I. C., 32 vjeç, ishte nën efektin e alkoolit.
Gjithashtu, gjatë arrestimi ai ka kundërshtuar me dhunë punonjësit e policisë, si dhe ka dëmtuar automjetin e shërbimit.
“Falë ndërhyrjes në kohë nga shërbimet e Policisë parandalohet përshkallëzimi i mëtejshëm i një konflikti në familje. Vihet në pranga 1 shtetas që ushtroi dhunë ndaj vëllait të tij dhe kanosi nënën e tyre.
Gjatë shoqërimit, i arrestuari kundërshtoi me dhunë punonjësit e Policisë dhe dëmtoi automjetin e shërbimit.
Specialistët për Hetimin e Krimeve në Komisariatin e Policisë Kavajë arrestuan në flagrancë shtetasin: I. C., 32 vjeç, banues në Kavajë.
Shtetasi I. C., mbrëmjen e djeshme, nën efektin e alkoolit, ka ushtruar dhunë ndaj vëllait, si dhe ka kanosur nënën e tyre. Gjatë shoqërimit, shtetasi I. C. ka kundërshtuar me dhunë punonjësit e Policisë, si dhe ka dëmtuar automjetin e shërbimit.”
Sw fundmi, materialet procedurale i kaluan Prokurorisë, për veprime të mëtejshme.
Discussion about this post