Nën hetim nga SPAK, edhe Belinda Balluku merr studion e avokatisë që mbron Veliajn

SPAK i ka Belinda Ballukut të marrë avokat, duke nënkuptuar se statusi i saj procedural mund të ketë kaluar në person nën hetim.

Pas kësaj, sipas burimeve, Zëvendëskryeministrja është parë të vizitojë studion “Rakipi & Partners”. Kjo studio, e administruar nga avokati Ermir Beta dhe themeluar nga Arben Rakipi, është e njëjta që përfaqëson edhe kryebashkiakun e Tiranës, Erion Veliaj, në përballjet e tij me drejtësinë. Zyra ndodhet në zonën e “Bllokut”. Sipas burimeve të mirëinformuara, të cituara nga gazeta “Sot”, ajo është takuar disa herë kokë më kokë me Arben Rakipin dhe më pas ka përzgjedhur studion si përfaqësim ligjor në përballjen e saj me SPAK.

Deri më tani, është raportuar nga mediat vetëm një paraqitje e saj në SPAK më 15 maj 2024, ku u mor në pyetje si person me dijeni për aferën e inceneratorëve dhe disa tendera në fushën e infrastrukturës. Por burime të sigurta konfirmojnë se kjo nuk ka qenë hera e vetme.