Kryebashkiaku i Rrogozhinës Edison Memolla ka reaguar pas raportimeve mediatike se SPAK ka çelur procedime të reja penale, ku në qendër është ai dhe familjarë të tij.
Në rrjetet sociale ai shprehet se është përballur me akuza dhe shpifje që sipas tij kanë dalë për të ulur imazhin e tij në sytë e gjithkujt.
Ai theksoi se do të përdorë çdo armë të mundshme ligjore për të mbrojtur familjarët e tij.
Reagimi
“Deri më sot jam përballur me çdo akuzë, shpifje, të pavërtetë apo lajm të rremë që prej kohësh kanë dalë për të ulur në sytë e gjithkujt imazhin tim. Të qenurit pjesë e politikës padyshim që të bën të jesh në shënjestër të shumë kazanëve mediatik vetëm për të përmbushur kërkesat e personave të etur për pushtet që fshihen pas siglave televizive. Megjithatë kurrë nuk kam dalë kundër tyre hapur pasi jam individ që di ti përgjigjem drejtësisë për aq kohë sa punën dhe postin që ma kanë besuar qytetarët e mi e drejtoj me ndershmëri dhe pastërti”, shprehet Memolla.
“Por fakti që përveç meje po baltosni familjarë të mi me akuza tepër të rënda dhe të pafalshme, madje për të disatën herë, më bën të reagoj dhe të përdor çdo armë të mundshme ligjore për t’i mbrojtur ata. Kushdo që na njeh e di mirë me sa mund dhe djersë ka arritur familja ime të jetë kjo që është tani dhe për të gjithë ata që nxjerrin fjalë të tjera përveçse kësaj të vërtete, tashmë do të shihemi qoftë edhe për shpifjen më të rëndomtë, në dyert e të gjitha institucioneve të drejtësisë”, shton ai.
Lexo edhe:
Pastrim parash dhe korrupsion, Memolla i PS sërish nën hetim nga SPAK
Discussion about this post