Ish-deputeti demokrat Belind Këlliçi ka dalë nga ambientet e SPAK pas dy orëve dëshmi. Ai la të kuptohej se është pyetur në lidhje me hetimin për falsifikimin e diplomës së shkollës së mesme.
Këlliçi: Shkoni pyesni në Harri Fultz, kam shokë klase, edukimi im është arma ime më e fortë dhe krenaria ime, nëse keni interes për korrupsionin, një nga krenaritë e mia është që unë e kam denoncuar. Kushdo të dali ballë për ballë, kushdo që do të më indimidojë në rrugëtimin tim për të bërë drejtësi.
Ndërkohë, Belind Këlliçi para mediave mohoi bashkëjetesën me partneren Ana Shkreli. Pas daljes nga SPAK ku u thirr nga prokurori Elvin Goga, Këlliçi ishte pyetur edhe se nuk ka deklaruar pasurinë e bashkëjetueses së tij Ana Shkreli.
Mirëpo Këlliçi u distancua nga partnerja duke thënë se nuk jetojnë së bashku. Këlliçi pretendoi se Ana Shkreli jeton me familjen e saj dhe kujdeset për ta.
‘Më është kërkuar për disa detaje të hetimit që të mos shprehem publikisht. Jam pyetur për çdo gjë, për partneren time që unë dal në media publikisht dhe them që nuk bashkëjetoj me të dhe nuk jemi bashkë dhe ajo po kujdeset për familjen e saj, për vëllanë e saj. Pyetem sikur kam deklaruar që them se bashkëjetoj me të’, tha Belind Këlliçi.
Kjo nuk është hera e parë që Këlliçi kalon pragun e SPAK, pasi është paraqitur edhe më parë për kallëzimet që ai ka depozituar.
gijotina.com/
Discussion about this post