Ish-anëtari i KPA-së Ardian Hajdari pritet të pezullohet nga detyra, pasi akuzohet për korrupsion. Ai është kallëzuar penalisht në qershor të 2020 nga magjistratët Antoneta Sevdari, Elsion Sadikur dhe Ervin Metalla, ndërsa sot SPAK ka njoftuar zyrtarisht Kolegjin e Posaçëm të Apelimit se ka marrë të pandehur Hajdarin. Sipas Kushtetutës dhe ligjit KPA, tashmë duhet të marrë në shqyrtim pezullimin e anëtarit të saj Hajdari, për fshehje të ardhurash dhe deklarim të rremë pasurie.
I njëjti kallëzim është bërë edhe për i ish-anëtarin tjetër të KPA-së, Luan Daci, i cili tashmë ka marrë dënimin nga GJKKO dhe më pas u shkarkua nga detyra. Ai u dënua me 6 muaj burg konvertuar në një vit shërbim prove dhe kushtin që mos ushtrojë funksione publike. Hetimet e SPAK bindën Gjykatën e Posaçme kundër Krimit e Korrupsionit dhe Apelin e GJKKO të dënojë Luan Dacin me akuzën e falsifikimit.
Tani në Kolegjin e Posaçëm të Apelimit kanë mbetur vetëm 5 anëtarë duke qenë se sipas ligjit Ardian Hajdari pezullohet menjëherë nga detyra, sepse është marrë i pandehur.
Discussion about this post