Nën kërcënimin e thikës i riu shqiptar grabiste bizneset në Greqi, përfundon në pranga/ VIDEO

Një shtetas shqiptar është arrestuar nga policia greke pasi akuzohet se grabiste bizneset nën kërcënimin e një thike

20-vjeçari u arrestua mesditën e së martës, 11 qershor, pasi ndaj tij kishte një urdhër arresti në pritje për grabitje të njëpasnjëshme.

Protothema.gr ka publikuar video të cilat tregojnë 20-vjeçarin duke hyrë nëpër dyqane.

Siç rezultoi nga hetimi i policisë, në fund të prillit 2024 i riu, i veshur me kapuç tip “full face”, shkonte në dyqane (kioska, minimarkete etj.) gjatë orëve të mbrëmjes dhe nën kërcënimin e thikës u merrte punëtorëve shuma parash.

Nga hetimet paraprake u konstatua se i arrestuari ishte i përfshirë në të paktën gjashtë raste të grabitjes, ndërsa pas arrestimit i është caktuar masa e ndalimit të përkohshëm.