Lojërat Olimpike ‘Tokio 2020’ do të fillojnë zyrtarisht ditën e premte, më datë 23 korrik me ceremoninë e fillimit, megjithatë ditën e sotme kanë filluar ndeshjet e para të Olimpiadës.
Gjatë paradites janë luajtur në Fukushima të Japonisë takimet e para në disiplinën e softball për femra. Ndeshja startueseishte midis Japonisë dhe Australisë, e cila u mbyll me rezultatin 8-1, për t’u ndjekur më pas nga sfida Itali-Amerikë 0-2 dhe Meksikë-Kanada që po ashtu përfundoi me shifrat 0-2.
Këto takime u zhvilluan pa praninë e tifozëve, si një nga masat e marra për shkak të pandemisë së Covid-19. Rikujtojmë që ditën e djeshme u konfirmua se deri më tani në fshatin olimpik kanë rezultuar pozitiv me Covid-19 plot 71 persona./Gijotina.com
