Klodiana Xhaferaj dhe djali i saj 6-vjeç mund të ishin shpëtuar nëse ambulanca do të kishte vepruar në kohë. Kështu deklaron, një dëshmitar nga aksidenti në Berat, ku 25- vjeçarja humb i kontrollin e mjetit dhe përfundoi në lumin Osum. Dëshmitari ka folur për median duke treguar momentin kur makina ka rënë në ujë nga disa metra lartësi, ndërsa ambulanca po qëndronte matanë rrugës.
“Unë nuk e pashë, por me sa më thanë ishte parakalim i keq. Pashë kur nxorën fëmijën dhe ishte pa ndjenja. Më habiti dhe ambulanca, që qëndronte matanë rrugës, kur makina ishte në ujë. Ndërkohë, nuk dihej sa vetë ishin në makinë”, tha dëshmitari.
Sipas dëshmitarit, viktimat ndërruan jetë nga mbytja në lumë dhe jo nga goditja e makinës
“Nga mbytja, pasi makina hyri ngadalë në lumë, hyri me kokë dhe pastaj u kthye. Dyert nuk mund të hapeshin. Ishim pesë veta, ndoshta po të ishim dhjetë çuna më shumë mund ta kishim kthyer makinën dhe t’i kishim shpëtuar jetën”, tha ai.
Sipas një tjetër dëshmitari, shkak i aksidentit ka qenë parakalimi i gabuar i të resë.
“Pashë që u fut në parakalim dhe i preu rrugën një maune. Sa mbaroi parakalimin, u fut në rrugën e saj dhe nuk po mblidhte dot makinën. Preu timonin majtas-djathtas derisa përfundoi në lumë”, tha një dëshmitar.
Discussion about this post