Një ngjarje e rëndë ka ndodhur në Greqi, ku një grua 37-vjeçare ka dhunuar për vdekje foshnjen e saj vetëm 6-muajshe. Ngjarja ka ndodhur sot, rreth orës 13:50 në Makrochori, Imathia.
Sipas ‘Protothema.gr’, gjyshërit e foshnjës janë paraqitur në spital me foshnjën 6-muajshe, pasi e kishin gjetur në shtëpi të dhunuar nga e ëma. Mësohet se nëna e foshnjës kishte probleme të theksuara psikologjike dhe se vuan nga depresioni, ndërsa i ati nuk ka qenë prezent në momentin tragjik.
Autoritetet greke janë duke hetuar lidhur me vdekjen e foshnjës, ndërsa do të jetë autopsia ajo që do të nxjerrë edhe shkakun e vdekjes.
37-vjeçarja, banuese në Makrohori dhe nënë e dy fëmijëve të tjerë të mitur është arrestuar dhe po mbahet në Komisariatin e Imathisë. Krimi i rëndë ka ndodhur në sy të dy fëmijëve të tjerë të 37-vjeçares, 6 dhe 7 vjeç, që njoftuan gjyshërit (prindërit e nënës së tyre) lidhur me ngjarjen e rëndë.
Discussion about this post