Nëna e 7 fëmijëve lind pesënjakë

Në një spital në Kraków, një grua, tashmë nënë e shtatë fëmijëve të moshës 10 muajsh deri në 12 vjeç, ka lindur pesënjakë.

“Ne kishim planifikuar të kishim një fëmijë të tetë, por më pas doli se kishte shumë të tjerë,” u tha gazetarëve Dominika Clarke, e cila është e martuar me një britanik të quajtur Vince.

Foshnjat kanë lindur me prerje cezariane, në javën e 29-të dhe kanë nevojë për mbështetje të frymëmarrjes.

“Shpresojmë të arrijmë momentin e gëzuar të daljes së tyre nga spitali,” tha Ryszard Lauterbach , kreu i departamentit të neonatologjisë në spitalin e Krakovit. Fëmijët, tre vajza dhe dy djem, quhen Arianna Daisy, Charles Patrick, Elizabeth May, Evangeline Rose dhe Henry James.

Clarke e quajti shtatzëninë e saj një “mrekulli” sepse shanset për të ngjizur pesënjakë është 1 në 52 milionë.