Pasi gjykata dha masën arrest me burg për autorin e vrasjes së 8-vjeçarit, e ëma e tij ka deklaruar se do të qetësohet vetëm nëse ai varet nëq mes të qytetit. Nëna e djalit 8-vjeçar që u vra në mënyrë mizore nga Klodian Çalamani, në gjendje të rënduar emocionale është shprehur se kërkon drejtësi, teksa rikujton detajet rrënqethëse të vrasjes së të birit.
““Kërkoj varjen e atij maskarai, jam e ëma e atij djali, më iku fëmija, iu pre ëndrra në gjysmë, kërkoj varjen në mes të Fierit, ma sillni këtu, duam drejtësi. E groposi dhe bënte sikur nuk kishte ndodhur gjë, “ku është Mato”, dua ta djegin tani mes të Fierit dhe të jem e ngopur dhe t’i them cunit ta mora hakun, si mama. Përditë këtu do jemi, nuk ndahemi. Do qetësohem kur të varet në mes të fierit. Duan ta varin ta djegin, më mori një foshnjë, ma ndahu nga shokët e shoqet. Ma gënjeu ma mashtroi… ja futi me lopatë dhe e la të vdekur. Ma groposi i hodhi baltë. Kur shkoi në polici tha se do e gjeni copa copa. Unë do rri këtu, nuk iki unë si nënë.”, tha ajo.
Prindërit e vogëlushit të ndjerë, bashkë me familjarë të tjerë kanë hapur derën me forcë, dhe janë përplasur dhe me punonjësit e policisë, ku kërkojnë të hyjnë në sallën e gjyqit. Jashtë dyerve të gjykatës ata janë shprehur të tensionuar para kamerave se kërkojnë që monstra Çalamani të dënohet me vdekje për krimin e bërë.
Discussion about this post