Nëna e gazetarit të vrarë: Kishte ëndërr të “shpëtonte botën”

Ju sollëm dje lajmin e hidhur se kameramani i Fox News, Pierre Zakrzewski, u vra nga granatimet ruse në Ukrainë.

Në një intervistë me Irish Independent, nëna e tij Maire-Ange Zakrzewska tha se djali i saj “gjithmonë donte të bëhej gazetar, fotograf, duke shpëtuar botën”.

Z. Zakrzewski kishte një nënë franceze dhe baba polak, por ishte “100% irlandez dhe ai kundërshtoi kur njerëzit nuk e besonin”, tha nëna e tij.

Ai kishte jetuar në Londër për 15 vitet e fundit me gruan e tij Michelle dhe kishte mbuluar histori në zonat e konfliktit në të gjithë botën.

Zonja Zakrzewska tha se irlandezia e djalit të saj ka qenë gjithmonë “pozitive” në zonat e konfliktit.

“Unë quhem Pierre Zakrzewski dhe jam irlandez, kështu që më lejoni të kaloj,” u thoshte ai ushtarëve kur i afroheshin një postblloku.